Heydər Əliyev Muzeyi

Sentyabrın 26-da Sabirabad şəhərində Heydər Əliyev Muzeyinin açılışı olmuşdur. Tikintisinə 2007-ci ildə başlanmış binanın sahəsi 480 kvadratmetrdən çoxdur. Heydər Əliyev Fondunun təşəbbüsü ilə tikilmiş muzeyin yeddi bölməsində ümummilli liderin həyat və fəaliyyətinə dair fotoşəkillər, müxtəlif kitablar nümayiş etdirilir. Ulu öndərin 1970-ci illərdə, eləcə də müstəqillik dövründə Sabirabad rayonuna çoxsaylı səfərlərini, keçirdiyi görüşləri əks etdirən fotoşəkillər xüsusi maraq doğurur. Muzeydə konfrans salonu, kompyuter otağı da vardır. (26.09.2008)